l

lifestyle

La Biosthetique-ը պաշտոնապես ներկայացվեց Հայաստանում

Ֆրանսիական La Biosthetique ապրանքանիշը պաշտոնապես ներկայացվեց Հայաստանում: La Biosthetique-ը ընտանեկան պատմություն է, ու հենց այս արժեքներն էլ թերևս բրենդի հաջողության գրավականներից է դարձել: La Biosthetique-ը մշակում է բարձր արդյունավետ կոսմետիկա մազերի և մաշկի համար՝ օգտագործելով բնական բաղադրիչներ, ինչպես նաև առաջարկելով անհատական և անձնական խորհրդատվություն:

La Biosthetique-ը ունի բացառիկ համագործակցություն միջազգային վարսահարդարման և գեղեցկության կենտրոնների հետ՝ ունենալով ավելի քան 8000 հաճախորդ և շուրջ 600 աշխատակից ամբողջ աշխարհում: Ընկերության գլխամասային գրասենյակը գտնվում է Փարիզում, իսկ հետազոտական և արտադրական մասը՝ Գերմանիայի Պֆորցհեյմ քաղաքում: Այսօր La Biosthetique-ը ղեկավարում է Զիգֆրիդ Վայզերն իր որդիների հետ միասին, սակայն հիմնադրել է La Biosthetique-ը Մարսել Կոնտիեն դեռ 40-ականների վերջին: 

Ապրանքանիշի փիլիսոփայությունը "բիոսի", կյանքի և գեղագիտության համադրության մեջ է: Մարսել Կոնտիեն կենսաքիմիկոս էր և դեռ այն ժամանակ նա արդեն խորապես հավատում էր, որ բնական բաղադրիչներն ավելի իմաստալից են քան բոլոր սինթետիկ այլընտրանքները: La Biosthetique-ն այսօր էլ շարունակում է կենտրոնանալ ամբողջական մոտեցման վրա՝ առաջարկելով մազերի և գլխամաշկի արտադրանք և կոսմետիկա կանանց և տղամարդկանց համար: 

 La Biosthetique-ընտանիքին են միացել ԱՄՆ-ն, Կանադան, Իտալիան, Իսպանիան, Ավստրիան, Ուկրաինան, Սերբիան, Չինաստանը, Մեծ Բրիտանիան, Շվեյցարիան.... արդեն նաև Հայաստանը:

La Biosthetique-ը ներկայացնում է մազերի և գլխամաշկի խնամք, ոճավորում, դիմահարդարում: Տեսականին հիանալի համակարգված է, ունի կատարյալ ազդեծություն և հանդուրժողականություն, օգտագործված են գերժամանակակից տեխնոլոգիաներ և ներկայացնում են վերջին տենդենցները: Ամբողջ տեսականու ստեղծման ընթացքում օգտագործվել են բնական բաղադրիչներ՝ հիմնված  մաշկաբանության և կենսաքիմիայի վերջին բացահայտումների հիմնա վրա, որոնք ինտենսիվ փորձարկվել են լավբորատորիաներում և գործնականում: 

La Biosthetique ապրանքանիշի շնորհանդեսը տեղի ունեցավ ՍԻՆԵՐՋԻ բիզնես-կենտրոնում: Հյուրերին ներկայացվեց տեսականին, նաև տեղի ունեցավ ցուցադրություն, որտեղ արդեն մոդելների շնորհիվ հնարավոր եղավ գնահատել արտադրանքը, իսկ միջոցառման ավարտին էլ կազմակերպվել էր խաղարկություն: Շնորհանդեսը վարում էր անզուգական Լուսինե Թովմասյանը, Ուկրաինայից ժամանել էին La Biosthetique-ի ներկայացուցիչները, դե իսկ հյուրերի թվում էին բյութի ոլորտի ներկայացուցիչներ և գործընկերներ: La Biosthetique-ի մասին ավելի կարող եք իմանալ միանալով նրանց սոց. էջերին:

Միջոցառման գործընկեր՝ VOSKENI գինիներ: Ցուցադրության ընթացքում մոդելները կրում էին 5Concept սրահում ներկայացված հայ դիզայներների հագուստը, իսկ դիմահարդարումը վստահվել էր MakeUp Studio-ին:

La Biosthetique

FB / IG

back-top