Սա 94-րդ Օսկարն է, վերջին տարիների պանդեմիական խնդիրներից հետո, այս տարի աշխարհի գլխավոր կինոմրցանակաբաշխությունն ընթացավ գրեթե ամբողջովին նախկին տարբերակով: Գլխավոր անվանակարգի համար մրցում էին 10 հոլիվուդյան ֆիլմեր, հյուրերից ոմանք կարմիր գորգին հայտնվեցին Ուկրաինայի դրոշը հիշեցնող ժապավեններով կամ պարզապես կապույտ նշաններով, վարում էին այս տարվա մրցանակաբաշխությունը ԱՄՆ-ի սիրված կոմեդիաններից երեքը՝ Էմի Շումերը, Վանդա Սայքսը և Ռեջինա Հոլը: Afterparty-ն ինչպես միշտ կազմակերպված էր ամսագրի կողմից: Փոստը գրելու ընթացքում այն դեռ նոր էր սկսվում, այնպես որ նկարները կավելացնեմ մի քանի ժամ անց:

Լեդի Գագան և Լայզա Մինելլին ներկայացրեցին գլխավոր անվանակարգը: «Դյունա» ֆիլմը թվով ամենաշատ՝ 6 մրցանակ ստացավ, բայց այ «Լավագույն ֆիլմ» անվանակարգում հաղթեց «CODA. Խուլ ծնողների երեխան» ֆիլմը: Ուիլ Սմիթն ու Ջեսիկա Չեսթեյնը տարվա լավագույն դերասանն ու դերասանուհին են, Բիլլի Այլիշը ստացավ իր առաջին Օսկարը No Time to Die-ի համար, «Կռուելա» ֆիլմն էլ մրցանակ ստացավ կոստյումների համար: Ինչպես արդեն ասացի՝ «Դյունա»-ին հասան ամենաշատ թվով արձանիկները վիզուալ էֆեկտների, երաժշտության, մոնտաժի, ու էլի մի քանի անվանակարգերում: Շատ ափսոս, որ իմ սիրած "Don't Look Up"-ը մնաց առանց մրցանակի:

Կապված Ուիլ Սմիթի և Կրիս Ռոքի միջև ծագած խնդրի հետ: Ռոքը ծաղրում է Սմիթի կնոջ սանրվածքը, Սմիթն էլ բարձրանում է բեմ ու ապտակում Ռոքին: Ամեն ինչ կարծես բեմականացված է, իսկ բոլոր կայքերը սկսում են հենց այս հեդլայնով ներկայացնել Օսկարը: Չգիտեմ նույնիսկ որքանով կարողա իրական լինել այս ամենը, կամ ես սկսել եմ չհավատալ նման սկանդալային գործարքներին, կամ սա իրոք բացառություն էր: ԱՄՈՒՍԻՆԸ ՊԱՇՏՊԱՆԵՑ ԿՆՈՋԸ և ԱՊՏԱԿԵՑ ՆՐԱՆ....բոլորը ծափահարում են, ու միգուցե սա իրոք թիառ չէր այլ իրական չպլանավորված իրավճակ: