l

lifestyle

Բացահայտում եմ Ֆրանկֆուրտը և Պալման CONDOR AIRLINES-ով

Այս փոստում վերջին 15 օրերի ընթացքում ստացած նամակներիս պատասխաններն են: Ինչպես մեկնեցի Ֆրանկֆուրտ և Պալմա, որտեղ մնացի, ինչ տեսա, որքան ծախսեցի...Դիտեք իմ նոր travel blog-ը Ֆրանկֆուրտից և Պալմա դե Մալյորկայից: Մեկնել եմ Condor Airlines ավիաընկերության թռիչքով, որը Հայաստանում պաշտոնապես ներկայացնում է Sidon Travel ընկերությունը: Կիսվեք Ձեր էջերում, եթե պլաններ ունեք մեկնել հանգստի, այս ուղեցույցը Ձեզ կօգնի ուղևորության ընթացքում:

  • Կամո Թովմասյան

 Մինչ փոստը կարդում եք, ուզում եմ մի քանի նշումներ անել: Եթե այցելեք իմ ինստագրամյան էջ, հայլայթսում կտեսնեք ուղևորության սթորիթելը, որն ավելի ամբողջական է ու մանրակրկիտ: Նաև նշեմ, որ թե թռիչքի թե հյուրանոցների գները չեմ նշել, քանի որ դրանք կախված են սեզոնից և առաջարկից, ուստի բոլոր գները ճշտելու ամենալավ և ստույգ տարբերակը Sidon Travel ընկերությանը դիմելն է: Հասցե՝ Նալբանդյան 9, հեռախոսահամարներ՝ (+374 60) 535251, (+374 77) 522967, (+374 99) 522967: Ահա ՖԵՅՍԲՈՒՔՅԱՆ էջը, և ԻՆՍՏԱԳՐԱՄՅԱՆ էջը:

Գերմանական Condor Airlines ավիաընկերությունը հայկական շուկայում Երևան-Ֆրանկֆուրտ-Երևան կանոնավոր չվերթներով ներկայացավ նախորդ տարվա ամռանը: Condor Airlines-ը 76 տարվա պատմություն ունի: Ընկերությունը տարեկան տեղափոխում է ավելի քան 9 միլիոն ուղևոր և Գերմանիայից թռնում է ավելի քան 90 ուղղություններով (ունի ավելի քան 50 ինքնաթիռ): Հիմա՝ ամառային սեզոնին իրականացնում է կանոնավոր ուղիղ թռիչքներ Ֆրանկֆուրտ-Երևան-Ֆրանկֆուրտ երթուղով շաբաթական 3 անգամ: Դեպի Ֆրանկֆուրտ ավիատոմսերի համար տուրիստական ընկերությունները մշտապես առաջարկում են հատուկ ցածր սակագին, որը իր մեջ ներառում է 30 կգ ուղեբեռ + 8 կգ ձեռքի ուղեբեռ։

Վերջերս Կոնդորը հանդես եկավ միանգամայն նոր տեսքով և կոնցեպտով: Գերմանական ժամանցի ամենահայտնի ավիաընկերությունն արդեն նոր «հանդերձանք» ունի: Արձակուրդները գծավոր են. Իսկ Կոնդորը արձակուրդ է։ Անձրևանոցներ, լողափնյա սրբիչներ, պաղպաղակի խանութներ… ո՞վ չի սիրում դրանք, իսկ գծերը Մեզ կստիպեն ժպտալ: Condor Airlines-ի նոր «համազգեստն» իրոք ավելի գրավիչ է: Գծերը խորհրդանշում են աշխարհը բացահայտելու ազատությունը: Նրանք նման են ապրելակերպի, որը ստիպում է մեր սրտերին արագ բաբախել՝ նոր արկածների սպասելիքով: Condor-ի նոր գույների խորհրդանիշներն են՝

Կանաչ՝ կղզի

Դեղին՝ արևի լույս
Կապույտ՝ ծով
Կարմիր՝ կիրք 
Բեժ՝ լողափ

Condor Airlines-ի պաշտոնական գործընկերը ՀայաստանումSidon Travel Yerevanընկերությունն է, ուստի բոլոր հարցերի պատասխանները կարող եք ստանալ գրելով Sidon Travel–ի սոց էջերին, կամ այցելելով նրանց գրասենյակ:

Condor Airlines-ը առաջարկում է տասնյակ տարանցիկ չվերթներ դեպի Եվրոպական շատ քաղաքներ ինչպես նաև տրանսատլանտիկ տրանզիտ չվերթներ դեպի ԱՄՆ, Կանադա, Կուբա, Դոմինիկյան Հանրապետություն և այլն։ Այս երթուղիների վրա հաճախորդներին առաջարկվում է էկոնոմ, պրեմիում էկոնոմ և բիզնես դասի ավիատոմսեր։ Հատուկ ցանկանում եմ առանձնացնել ամենապահանջված ամերիկյան ուղղությունները՝ Լոս Անջելես, Լաս Վեգաս (այո՛, Լաս Վեգաս Ֆրանկֆուրտից ուղիղ չվերթով!!!), Սան Ֆրանցիսկո, Սիեթլ, իհարկե Նյու Յորք և այլն։ Այս տարվա մայիսից Condor Airlines-ը նաև իրականացնում է Ֆրանկֆուրտ-Թբիլիսի ուղիղ կանոնավոր չվերթներ։

Այսպիսինն է տրանսատլանտիկ թռիչքների բիզնես դասը:

Մայնի Ֆրանկֆուրտ՝ մեծությամբ հինգերորդը Գերմանիայում։ Քաղաքը տեղակայված է Մայն գետի ափին գտնվող հին բնակատեղիի վրա, որը գտնվում է նախկինում ֆրանկների կողմից բնակեցված ֆրանկոնիա երկրամասի տարածքում։ Այստեղից էլ առաջացել է քաղաքի անվանումը՝ «Ֆրանկների բնակավայր»։ Ֆրանկֆուրտը համարվում է «ալֆա-քաղաք» և հանդիսանում է կոմերցիայի, մշակույթի, կրթության, տուրիզմի և տրանսպորտային հանգույցների կենտրոն։ Գերմանիայում կա երկու քաղաք Ֆրանկֆուրտ անվանումով՝ Մայնի Ֆրանկֆուրտ և Օդերեի Ֆրանկֆուրտ։ Գերմանիայում և ողջ աշխարհում Ֆրանկֆուրտ լսելով սովորաբար հասկանում են Մայնի Ֆրանկֆուրտ։ Այստեղ է գտնվում Եվրոպական կենտրոնական բանկը, Գերմանիայի ֆեդերալական բանկը, Ֆրանկֆուրտի բորսան և Ֆրանկֆուրտի շուկան։ Ֆրանկֆուրտի օդնավակայանը ամենաբեռնված միջազգային օդանավակայաններից մեկն է, իսկ Ֆրանկֆուրտի կենտրոնական երկաթուղային կայարանը և Ֆրանկֆուրտի ավտոմոբիլային խճուղին Եվրոպայում ամենծանրաբեռնված մայրուղիներից մեկն է։ Ֆրանկֆուրտը Գերմանիայի քաղաքներից միակն է, որը համալրվել է «Աշխարհի քսան ալֆա-քաղաքներ» ցուցակին։ Mercer Human Resource Consulting ընկերության ուսումնասիրություններից հետո, Ֆրանկֆուրտը համարվել է երկրորդը Գերմանիայում և քառասունութերորդը աշխարհում՝ ըստ կյանքի որակի մակարդակի։

Պատահական չէ, որ Ֆրանկֆուրտն անվանում են կոնտրաստների քաղաք: Մեկ երկնաքերեր են, մեկ այ այսպիսի հեքիաթային տներ: Սա հին քաղաքն է, որտեղ զբոսնելիս կարծես մանկությանդ կարդացած գրքերում հայնվես:

Անպայման այցելեք Հին Օպերա, եթե չեք ցանկանում ներկայացմանը ներկա լինել, կարող եք պարզապես սրճել այստեղ գործող հրաշալի սրճարանում:

Ի դեպ, երևանյան մենահամերգից առաջ 50 Cent-ը երգում էր Ֆրանկֆուրտում: Մեկնելուց առաջ ստուգեք, թե ինչ համերգենր կան այստեղ: Ամռանը կարող եք լսել Coldplay և Limp Bizkit:

Մենք մի փոքր անհամբեր գտնվեցինք ու որոշեցինք ավելի շուտ գալ սիրված ռեփերի համերգին, մանավանդ, որ նա երկար տարիներ շրջագայություններով հանդես չեր գալիս: 

Ֆրանկֆուրտում մի ամբողջ թանգարանների թաղամաս կա, այստեղ արդեն կարող եք ընտրել ըստ նախասիրությունների: 

Եթե Ձեզ ասեն, թե Ֆրանկֆուրտը զուտ բիզնես քաղաք է, չհավատաք: Այստեղ կան տասնյակ ակումբներ ու ռուֆթոփեր, որոնք աշխատում են մինչ ուշ գիշեր: City Beach-ը Carl-Theodor-Reiffenstein-Platz 5 հասցեում, ամենահայտնին է ու մարդաշատը:

Ֆրանկֆուրտի մայր տաճար կամ Սուրբ Բարդուղիմեոսի կայսերական տաճար՝ Ֆրանկֆուրտի ամենամեծ տաճարը: Տաճարում նախկինում անցկացվել են Հռոմեական Սրբազան կայսրության կայսրերի թագադրման արարողություններ: Իր գոյության ողջ ընթացքում տաճարը եղել է կայսերական և ոչ թե եպիսկոպոսության մայր տաճար: Նրա` որպես ազգային խորհրդանիշի ընկալումը կապված է Հռոմեական Սրբազան կայսրության քաղաքական-պատմական դերով: 19-րդ դարում տաճարը դարձել է գերմանական ազգի միավորման խորհրդանիշը:

Շոփինգի հարցում չեմ կարող ասել, թե ցնցող անակնկալներ են սպասվում, հիմնականում բոլոր բրենդերին Դուք ծանոթ եք, 1 օրը բավական կլինի շոփինգին հատկացնելու համար:

Main Tower. Ընդամենը 9 եվրոյով հայտնվում եք Ֆրանկֆուրտի ամենաբարձր դիրքում ու վայելում այս տեսարանը:

Ֆրանկֆուրտի կայարանից կարող եք արագընթաց գնացքով 1 ժամում տեղափոխվել օրինակ Քյոլն, ինչն էլ մենք արեցինք....

Հրաշալի քաղաք՝ տպավորիչ տաճարով, որը մի կերպ է կանգուն մնացել, հաշվի առնելով, որ Երկրորդ համաշխարհային պատերազմի ընթացքում 3 ռումբ է ընկել տաճարի վրա:

1 օր էլ անցկացրեցինք Քյոլնում, և վերադարձանք Ֆրանկֆուրտ:

Condor Airlines-ը առաջարկում է տասնյակ տարանցիկ չվերթներ դեպի Եվրոպական շատ քաղաքներ ինչպես նաև տրանսատլանտիկ տրանզիտ չվերթներ դեպի ԱՄՆ, Կանադա, Կուբա, Դոմինիկյան Հանրապետություն և այլն։ Ինչպես արդեն ասացի, այս երթուղիների վրա հաճախորդներին առաջարկվում է էկոնոմ, պրեմիում էկոնոմ և բիզնես դասի ավիատոմսեր։ Հատուկ ցանկանում եմ առանձնացնել ամենապահանջված ամերիկյան ուղղությունները՝ Լոս Անջելես, Լաս Վեգաս, Սան Ֆրանցիսկո, Սիեթլ, իհարկե Նյու Յորք և այլն։ 

Քանի որ ամառ է, բնական է, բոլորս էլ ծովափնյա հանգիստ ենք ուզում: Մենք որոշեցինք Ֆրանկֆուրտից մեկնել Պալմա Դե Մալյորկա, որպեսզի Ձեզ ներկայացնենք այս հարմար տարբերակը ամառային հանգստի համար: Ֆրանկֆուրտից Պալմա Դե Մալյորկա Condor Airlines-ը մեկնում է օրվա ընթացքում մի քանի անգամ, և ինձ համար ժամն էր ցերեկային ժամը: 

Որտեղ մնալ Մագալուֆում, Պալմա դե Մալյորկայում: Մեր հյուրանոցը 4 աստղանի է, միջերկրական ծովի ափին, կոչվում է Sol Wave House! 3 լողավազան և մեկ փոքրերի լողավազան, ջրային ատրակցիոն, մի քանի բար, շատ լավ ավազով լողավ: Նախաճաշը կներկայացնեմ ուտելիքների մասին պատմող փոստոստումս, վիդեոները ինստագրամումս են, կարող եք նայել: Եվրոպացիներ են, մեծահասակներ ու փոքրեր էլ կան, իսկ հարևանությամբ կան հյուրանոցներ, որոնք ավելի էժան են ու միայն երիտասարդներ են հանգստանում: Sidon Travel Yerevan-ում կարող եք ամրագրել ինչպես այս, այնպես էլ տասնյակ այլ հյուրանոցներ, եթե հանգստանալու եք Պալմա դե Մալյորկայում:

Մագալուֆում առանձնապես չենք աշխատել, վայելել ենք արևը, ծովը և չաղացել ենք տեղի հրաշալի սննդով:

Պատմեմ իսկական երաժշտական փառատոնի մասին: Նախորդ Week-end-ին Mallorca Live Fest-ն էր, այն տեղի է ունենում Պալմա դե Մալյորկայի Մագալուֆում: Եռօրյա տոմսի արժեքն էր 210 եվրո: Փառատոնը տեղի էր ունենում նախկին ակվապարկի տարածքում, որն այժմ օգտագործվում է հաերհների համար: Փառատոնում երգում էին 2 տասնյակ արտիստներ, այդ թվում Կրիստինա Ագիլերան և MUSE ռոք խումբը: 4 սթեյջերում տարբեր ոճի երաժշտություն էր, մասնակցում էին 25 ռեստորաններ իրենց ուտեստներով, 15 խանութ-սրահներ և տատու-սրահներ: Հատուկ թևնոցները վերալիցքավորելուց հետո կարող էիր գնումներ կատարել: Սաունդն իդալական էր, մարդիկ դե էլ չեմ ասում, կարող եք իմ ինստագրամյան էջում դիտեք վիդեոները: 

Եթե մտածում եք, թե ողջ օրը լողավազանում էինք...ճիշտ եք մտածում, բայց ժամանակ գտանք նաև գնահատելու Պալմայի գլխավոր տաճարի գեղեցկությունը: Պալմայի տաճար, Սանտա Մարիայի Մայր տաճար, ինչպես նաև Լա Սեու: Գոթական մայր տաճարի շինարարությունը սկսվել է 1231 թվականին Խայմե II թագավորի օրոք, արաբական մզկիթի տեղում։ Օծվել է 1601 թվականին։ Իր բազմաթիվ մեծ պատուհանների շնորհիվ Պալմայի տաճարը համարվում է միջերկրածովյան գոթական տաճարներից ամենալուսավորը։ Պալմայի տաճարը շրջապատող տարածքի վայրում նախկինում եղել է արաբական քաղաք, որը մուսուլմանական աշխարհում հայտնի է Մեդինա Մայուրկա անվանմամբ։ Նրա կառույցներից մնացել են միայն, Ալմուդենա փողոցի կամարը և Սերրայի փողոցի արաբական բաղնիքը։

Այ այսպիսի հրաշալի ուղևորություն, որի համար շնորհակալ ենք Condor Airlines-ին և Sidon Travel ընկերությանը: Հաջորդ travel blog-ին հետևել հուլիսի 23-ից իմ ինստագրամյան էջում:

back-top